Анх 1995 онд Орон нутгийн БНГ, 2002 онд Улсын БНГ болгож авсан. Энэхүү БНГ нутаг нь Цагаан зээрийн төллөх нутаг бөгөөд 7 сард төллөдөг. Цагаан зээр, үнэг, хярс, дорго, чоно, туулай зэрэг амьтад, 12 баг, 32 овог, 82 төрөлд хамрах 145 зүйлийн шувууд /цармын бүргэд, нөмрөг тас, шилийн сар, тарвага бүргэд, цэн тогоруу, өвөгт тогоруу, начин шонхор, хархираа тогоруу, хотны бүгээхэй, шар элэгт хөмрөг, эгэл шар шувуу, хулгар гуйванга, сохор эллээ, саарал хулд, дорнын хулд, идлэг шонхор, шууман шонхор, зээрд шонхор, эгэл хилэн жигүүр, морин цууцал, реликт цахлай/ зэрэг бүртгэгдсэнээс жилийн 4 улиралд суурин амьдардаг 25 зүйл, бусад 120 зүйл нь нүүдлийн шувууд байна.