Дорнод аймгийн Буриад угсаатан сумдын дунд  Соёлын өвийг хамгаалах, ардын уламжлалт урлагийг судлах, сургаж эзэмшүүлэх, сурталчлах, түгээн дэлгэрүүлэх, соёлын биет бус өвийн өвлөн уламжлагчдыг тодруулан алдаршуулах, тэдэнд дэмжлэг үзүүлэх, буриадын уламжлалт дуут тойрон хатир “Ёохор”-ыг сэргээн хөгжүүлж, хадгалж, хамгаалах, урлаг соёлын өвийг баяжуулан хөгжүүлэх, ардын уламжлалт өв соёл, зан заншлаараа бахархах үзлийг төлөвшүүлэх, хойч үе залуучуудад өвлүүлэн эзэмшүүлэх зорилгоор “Миний тоонот” тойрон хатир бүжгийн “Ёохор” наадам орчин цагийн Ёохор хатир, уламжлалт Ёохор хатир гэсэн 2 төрлөөр Баяндун суманд зохион байгуулагдлаа. Уг наадам нь Баян-Уул, Цагаан-Овоо, Баяндун сумдын 60 гаруй хүүхэд багачууд, ардын авьяастнууд оролцсоноос Цагаан-Овоо сумын хамт олон тэрг үүлж цомоо өргөсөн бол Баян-Уул сумын хамт олон удаалж амжилттай оролцлоо. 2023.11.11